Dako ang paghinulsol kag pagpangayo sang pasaylo ang ginsambit sang suspetsado nga nakabunggo sa 5 ka pamatan-on kag nag-utas sa kabuhi sang 3!

Murcia, Negros Occidental-Sa exclusive interview sang Radyo Bandera Sweet FM Bacolod 103.9 sa drayber sang multicab nga nagbunggo sa 5 ka pamatan-on sa Murcia kagab-e, iya gin-aku nga naka inom siya samtang nagamaneho.

Siya ang ginkilala kay Emilio Salvador kag taga Manapla.

Suno sa iya, nagadali siya magpauli sa Manapla halin sa Sta. Rosa Murcia matapos nagdul-ong sang isda sang iya nabungguan ang 5 ka pamatan-on nga nagatambay sa batchoyan sa kurbada nga bahin sang dalan.

Samtang, tuman naman ang iya sini nga paghinulsol kag nagapangayo sang pasaylo sa pamilya sang mga biktima sa iya nahimo nga insidente.

Handa naman siya nga mag-atubang kung ano man ang ipasaka nga kaso sa iya kag sang pamilya sang mga biktima.