Murcia, Negros Occidental-Sa live report sang Radyo Bandera Sweet FM Bacolod 103.9, yara kagab-e ang 5 ka pamatan-on sa isa ka batchoyan bilang tambayan nila sa Brgy. Caliban, Murcia.
Nahibaluan, nga ang driver sang multicab ang halin sa Sta. Rosa, Murcia bangod may gindul-ong nga isda.
Sang nakalab-ot ang multicab sa kurbada nga bahin sang dalan, kung sa diin, nahamtang mismo ang batchoyan, nadulaan sang control ang drayber kag nabungguan ang 5 ka pamatan-on nga naga tambay sa batchoyan.
Ang isa, ang napintalan pa sang multicab, samtang ang iban ang nakaangkon sang patal nga pilas.
Bangod sa mga naangkon nga patal nga pilas sa ulo, dughan kag iban pa nga parte sang lawas, patay on the spot si Justine Maderada, 16 anyos samtang napatay sa ospital sanday Mark Lawrence Gunazing, 15 anyos, kag si Shalmer Javier, 18 anyos.
Si John Ryan Sales, 16 anyos kag si Carlo James Lopez, 3 anyos ang padayon nga ginabulong sa Bacolod Adventist Medical Center.
Nagapanawagan naman sang hustiya ang amay sang isa ka napatay kag magapasaka sang kaso sa driver sang multicab nga nag-utas sa iya anak.
Dugang pa, nahibaluan nga hubog ang drayber sang nasambit nga multicab.
