Ginadumilian na sang Indonesia ang pagbaligya sang tanan nga syrup kag liquid medicine para sa ubo matapos nagkalamatay ang mga kabataan kag pagtaas sang kaso sang acute kidney injuries sa nasambit nga pungsod.
Suno sa Health Ministry sang Indonesia, ang pagdumili sa pagbaligya sang cough syrup amo ang magalawig tubtob matapos ang imbestigasyon sa unregistered medical syrups nga ginapatihan may yara sang “toxic ingredients.”
Ginsiling ni Health Ministry Spokesman Mohammad Syahril nga nagapadayon subong ang imbestigasyon angut sa pagkapatay sang 99 ka mga kabatan kag 206 ka kaso sang acute kidney injuries sa mga bata nga naga-edad 6-anyos panubo.
Gindugang pa sang World Health Organization nga ila ginasuspetsuhan nga may yara sang makahililo nga chemical content ang mga cough syrup nga ginhimo sang Maiden Pharmaceuticals Limited, Promethazine oral solution, Kofexmalin baby cough syrup, Makoff baby cough syrup kag Magrip N cold syrum.
Posible nga nalakip sa nasambit nga bulong ang kemikal nga makahililo sa utok, baga, atay kag kidney.
via Philstar