Kawatan nag-sungka bangud nahadlok madumugan

BACOLOD CITY– Nag-sungka sa kapulisan ang isa ka kawatan sa Bangladesh bangud hadlok ini nga madumugan.

Ginkilala ang suspek nga si Yasin Khan, 40-anyos nga nagpangawat sa isa ka grocery store sa Southern Barisal City, Bangladesh.

Suno sa hepe sang kapulisan nga si Asad uz Zaman, gin-kawatan ni Khan ang store ni Jhontu Mia.

Dugang pa ni Zaman, mapalagyo kuntani ang suspek apang madamo na nga mga consumers ang nagasulod sa nasambit nga store.

Sang makita sang kawatan ang mga tawo nga handa na siya dumugon, gilayon nagtawag siya sa kapulisan kag nag-sungka.

Yara na karon sa kustodiya sang kapulisan ang suspek.*