Gin-aprubahan na sang Department of Budget and Management (DBM) ang pag-release sang masobra P42.9 billion nga pondo para sa one-year health insurance premiums ang mga senior citizens sa bilong nga Pilpinas.
Sa report sang GMA, alakip sa mga ginpirmahan ni DBM Secretary Amenah F. Pangandaman ang Special Allotment Release Order (SARO) kag Notice of Cash Allocation (NCA) sang nasambit nga pondo kun sa diin makabenipisyo ang masobra 8.5 millio ka mga senior citizen sa Pilipinas.
Suno kay Pangandaman, ini ang pagsunod sa direktiba ni President Bongbong Marcos Jr. nga siguraduhon ang ang mga senior citizens ang mahatagan sang nagakaigo nga assistance.
Sa idalom sang FY 2023 General Appropriations Act (GAA), yara sa masobra P79 million ang gin-alokar agud masakop ang pagbayad sang health insurance premiums sang mga indirect contributors, kalakip na ang mga seniors.
Nakasaad sa Republic Act No. 10645 ukon mas kilala bilang Expanded Senior Citizens Act of 2010, sakop ang tanan nga senior citizen sang National Health Insurance Program (NHIP) sang PhilHealth.*
