Halos indi makapati ang isa ka lalaki sa Florida, USA, nga isa ka malahalon nga diamond ring ang iya na “detect” samtang nagalakat sa kilid sang dagat.
Isa ka metal detectorist si Joseph Cook kag nangin hobby na niya ang magpanglakaton kag mangita sang metal okon salsalon sa mga lugar nga iya naagyan.
Samtang nagalakat sa Hammock beach, na detect niya ang isa ka bagay nga iya gin huna huna nga isa lamang ka coin okon nickel.
Gindala pa ni Cook ang diamond ring sa balaligyaan sang alahas kag didto nahibaluan nga nagabili sang 40,000 dollars ang singsing okon katumbas sang 2.2 milyones ka pesos.
Ginpangita ni Cook ang tag-iya sang singsing tubtub nga nahibaluan niya nga mag-asawa ang tag-iya sang nasambit nga alahas nga nagapuyo sa Jacksonville.
Wala sang reward nga nabaton si Cook, apang nagalaum ini sang maayo nga karma nga magabalik man sa iya.
Wala man sang paghinulsol nga nabatyagan si Cook, nga iya ginbalik ang kapin sa 60 thousand dollars nga balor sang items nga iya nakita sini nga tuig.*
