Aprubado na sang Senado ang budget sang Pilipinas para sa tuig 2023 nga naglab-ot sa 5.268 trilyones ka pesos.
Pagatalakayon na sang Senado kag House of Representatives ang 2023 budget measures sa bicameral conference committee.
Suno kay Senator Angara, may ayuda sa gihapon nga pagabatunon ang mga pumuluyo sa idalum sang 2023 national budget, apang tuhay na ini sa ayuda nga ginhatag sang gobyerno sa diin ang halos tanan nga tawo nahatagan sang kuarta.
Sa idalum sang 2023 national budget, pilli-on na lamang ang mga tawo nga hatagan sang bulig pinansyal nga ginalakipan sang mga miyembro sang mga masunod:
Pantawid Pamilyang Pilipino Program (4Ps),
Protective Services to Individuals in Crisis Situations,
Tulong Panghanapbuhay sa Disadvantaged/Displaced Workers Program (TUPAD)
Sustainable Livelihood Program.
Ginpaboran sang tanan nga senador ang nasambit nga budget.
Ipatigayon na ang bicameral conference committee meetings Biyernes nga adlaw, Nobyembre 25 nga pagatambungan sang mga senador kag mga kongresista.*
