Ginatun-an sang Department of Information and Communications Technology, National Telecommunications Commission, kag iban pa nga stakeholders kun may basehan nga i-extend ang Abril 26 nga SIM registration deadline, suno kay DICT Undersecretary Jocelle Batapa-Sigue.
Sa report sang ABS-CBN nga sadtong Abril 11, yara sa 66,220,334 pa lamang sang kabilugan nga 168 milyong ka SIM ang narehistro.
Bangud diri ginaganyat sang Globe Telecom kag Smart Communications ang gobyerno nga palawigon ang deadline sang pagparehistro sang SIM, bangud sa kakulangan sang valid IDs, nga isa sa mga rason sang manubo nga registration turnout.
Ginpahayag sang Smart Communications sini nga Huwebes nga pormal na ini nagsumiter sang letter of request sa DICT para maghingyo nga palawigon ang pagparehistro sang SIM.
“With the mandatory SIM registration now in place, lack of IDs remains a challenge to those availing mobile communication services. These individuals without valid IDs are at a higher risk of digital, social and financial exclusion, and marginalization as mobile communications may be their only means of accessing online information, financial services, and other social benefits,” sandig sa letter nga ginsumiter ni Smart’s Head of Regulatory Affairs Atty. Roy Ibay.
Suno sa Smart, ang extension ang magahatag sa publiko sang madamo nga oras para makakuha sang mga valid ID kag makaparehistro na sang ila mga SIM card.*
