Nagpaguwa ang Department of Budget and Management (DBM) sang P1.18 billion sa National Food Authority (NFA) para pondohan ang one-time rice assistance para sa tanan nga mga empleyado sang gobyerno.
Sa report sang CNN Philippines, gin-aprubahan ni DBM DBM Secretary Amenah Pangandaman ang Special Allotment Release Order (SARO) para sa Notice of Cash Allocation (NCA) sini nga Abril 2023.
Halos 1.9 million ka mga mamumugon, kalakip ang mga contractual kag job order staff, ang ginalauman nga makabaton sang 25 kilos sang bugas gikan sa gobyerno, paagi sang Administrative Order No. 2 nga ginpirmahan ni Presidente Ferdinand Marcos Jr. sadtong Disyembre 2022.
Igahatag ini sa mga empleyado nga naga-obra sa gihapon sa gobyerno ukon kabahin sang government agencies sumugod sadtong Nobyembre 30, 2023.*
