Ginkondenar sang Diocese of Bacolod ang pag-deny sang House Committee on Legislative Franchises sa aplikasyon sang ABS-CBN para sa isa ka bag-o nga prangkisa.
Suno sa palayag nga ginpaguwa ni Bacolod Bishop Patricio Buzon, ang nangin desisyon sang komite nag kabahin sang serye sang mga tikang sang karon nga administrasyon sa pagtapna sang mga batikos sa gobyerno.
Isa ini nga paglapas sa right to free speech sang mamayan kag tikang para pahiposon ang isa ka independent press.
Palayag ni Bacolod Bishop Patricio Buzon:
“This act by the House Committee is the latest in a series of insidious attempts by the present administration to quash dissent and to prevent persons and institutions from exercising their right to free speech as well as from benefiting from a free and independent press.”
Bishop Patricio Buzon
Nagpanawagan si Buzon sa mga ginluklok sa gobyerno nga siguraduhon nga para sa kaayuhan kag kaluwasan sang Pilipino ang kada desisyon nga ila pagahimoon.
Isa ka Rosary for Democracy ang nakatalana nga patigayunon sa Bishop’s House sang Diocese of Bacolod sa Sabado sang hapon para pangamuyuan ang pag-implementar sang anti-terror law kag pagasundan naman ini sang pagpatunog sang kampana sang simbahan alas 6:00 sang gab-i.
Ginpapanaog sang House Committee on Legislative Franchises ang desisyon sini kontra sa ABS-CBN sadtong Hulyo 10, 2020.
