Dakop ang duha ka babayi sa ginpatigayon nga buy-bust operation sa ciudad sang Bacolod, subong nga adlaw, Mayo 5, 2021.
Gindakop sang mga katapo sang Station 7 si Maricel Mendoza, 38-anyos, sa Purok Kabugwason, Barangay Mansilingan sa ciudad sang Bacolod.
Nakuha kay Mendoza ang 12 gramos nga iligal nga droga nga may ginabulubanta balor nga P81,600.
Samtang, arestado man si Memosa Orolan, 34-anyos, sa Purok Mati-ayon, Barangay 10 sa ciudad sang Bacolod, takna las 11:30 subong nga aga, Mayo 5, 2021.
Nakarekober ang mga katapo sang Station 1 kay Orolan sang lima ka sachets sang ginasuspetsuhan shabu nga nagabalor P3,400 kag pila ka drugs paraphernalia.
Detinado karon sanday Mendoza kag Orolan. Sila ang magapangatubang man sang kaso may angot sa pagbayolar sang Republic Act 9165 ukon Comprehensive Dangerous Drugs Act of 2002.*
