Arestado ang duha ka ginakabig nga High Value Individual (HVI) matapos makuhaan sang iligal nga druga sa ginpatigayon nga buy-bust operation sa Purok Kahirup, Barangay Singcang Airport, siudad sang Bacolod, takna las 12:30 sang kaagahon, Huwebes, Oktubre 5, 2023.
Ginkilala ang mga nadakpan nga sanday Leo Dungon y Geollegue, 36-anyos, kag si Rodelyn Camento y Tapis, 19-anyos, lunsay wala sang obra kag residente sang siudad sang Bacolod.
Nakuha sa duha ka suspek ang 15 tanan ka pakete sang ginasuspetsuhan shabu nalakip na ang buy-bust item, nga ginabulubanta nagabug-at sang 50 ka gramos kag nagabalor sang P340,000.
Ang pagkadakop sa mga suspek ang resulta sang operasyon sa idalom sang anti- illegal drugs campaign sang mga kapulisan sa siudad.
Nagapadayon sa karon ang tactical interrogation agud mahibaluan kun sa diin nagakuha sang iligal nga druga ang mga suspek kag matumod ang iban pa nga mga kaupdanan sini.*
