Patigayunon subong nga Huwebes, Oktubre 5 ang public hearing sa hagna nga P10 daily wage increase sang mga mamumugon sa bilog nga Western Visayas.
Diri mahibaluan kun ma-aprubahan ang nasambit nga hagna kasunod sang pagsaka sang presyo sang mga balaklon kag serbisyo sa pungsod.
Sa nauna nga pahayag sang Department of Labor ang Employment Region VI, natapos na ang ginpatigayon nga regional consultation angut sa nasambit nga petisyon kag madamo ka mga negosyante kag employers ang nagaduwa-duwa nga suportahan ang hagna bangud ini ang madako nga balor.
Samtang, pagapangunahan naman sang Regional Tripartite Wages and Productivity Board (RTWPB)-6 ang public hearing nga pagatambungan sang tiglawas sang mga empelyado kag employers sa rehiyon.
Sa karon, yara sa P410 tubtob P450 ang minimum wage sa Western Visayas nga ulihi nga nagsaka sadtong Hunyo 5, 2022.*
