LA CARLOTA CITY, NEGROS OCCIDENTAL– Pinaagi sa warrant of arrest, gin-aresto ang duha ka lalaki sa kaso nga qualified theft kaina sang aga, Abril 19, 2023 sa nagkalain-lain nga mga barangay sa La Carlota City, Negros Occidental.
Takna las-9:42 sang aga, una nga gin-aresto si Mateo Catalonia alias “Macho” sa Hacienda Elena, Barangay Ayungon.
Si Macho ang naga-edad sang 30-anyos, laborer, residente sang Hacienda Francisco, Barangay Cubay.
Apang takna las-11:08, gin-aresto man si Cesar Parreño alias “Kalbo” sa Bliss Street, Barangay 1.
Si Kalbo ang naga-edad sang 48-anyos, may asawa, laborer, residente kun diin nadakpan si Macho.
Gin-isyu naman ni Judge Cyclamen Jison Fernandez sang La Carlota City Regional Trial Court ang warrant of arrest sang duha ka persona.
May bail bond naman nga gin-rekomendar ang korte sang P24,000 each.
Nakahunong karon ang duha sa La Carlota City Police Station.*
