Wednesday, September 28, 2022

Duha Ka Manugbulang, Dakup sa Bacolod

- Advertisement -

Gindakup sang katapo sang Bacolod Police Station 9 ang duha ka mga lalaki matapos nga nadakpan nga nagabulang sang manok sa Purok Busay, Barangay Cabug sa syudad sang Bacolod, takna las 3 Domingo sang hapon, Pebrero 6, 2022.

Ang mga gindakup amo sanday Rene Boy Garsula, 38-anyos, residente sang Barangay Alijis kag Celestino Estorpe, 46-anyos, residente naman sang Barangay Taculing, pareho sa syudad sang Bacolod, base sa report sang Bacolod City Police Office.

Nakumpiskar kay Garsula kag Estorpe ang duha ka mga buhi nga fighting cocks, duha ka bulang ukon “gaffs” kag P400 nga “bet money” ukon pusta, suno sa police records.

- Advertisement -

Gindala sa Station 9 sanday Garsula kag Estorpe. Sila ang sarang nga magapangatubang sang kaso sa paglapas sang Presidential Decree 449 ukon ang “Cockfighting Law of 1974.”*

- Advertisement -
ViaBCPO
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

0FansLike
- Advertisement -

Latest Articles