NEGROS OCCIDENTAL—Patay ang duha ka mga ginapatihan miyembro sang New People’s Army (NPA) sa nagluntad nga engkwentro sa tunga sini kag mga katapo sang 15IB sa Prk.Yuring Dash 7 Barangay Bulwangan sa banwa sang Hinobaan alas-11:00 ang takna kaina sang aga.
Sa impormasyon nga nakuha sang Radyo Bandera sa mga otoridad, samtang nagpatigayon sang combat clearing operation ang 15 infantry battalion nga ginapangunahan ni 1st LT. Harly Quibod kag 2nd LT. Kelvin Klein Canlas, nakaengkwentro sang mga ini ang ginabulubanta 18 ka Communist NPA Terrorist sa Prk. Yuring Brgy. Bulwangay sa nasambit nga banwa.
Ginapahayag nga nagdugay sang 40 minutos ang pagbayluhanay sang luthang sang duha ka grupo nga nagresulta sang kamatayon sang duha ka mga NPA members.Maswerte naman nga wala sang nasamaran sa tropa sang gobyerno.
Narekober sa lugar ang duha ka mga magazines sang kalibre 45 nga pusil.
As of writing time, wala pa makilal-an ang duha nga nagkalamatay.
