BACOLOD CITY – Pilason ang duha ka mga persona matapos ginpangtiro sa Pisonet station sa Purok Sigay, Barangay 2 sa syudad sang Bacolod, takna las 4:00 kaina sang aga, Lunes, Nobyembre 28, 2022.
Ginkilala ang mga biktima nga sanday Ramy Araiz, 27-anyos kag Michael Yasas, legal ang pang-edaron, pareho residente sang Barangay 2 sa Bacolod, suno sa report sang Bacolod City Police Office.
Sandig sa imbestigasyon sang kapulisan, nagahampang sa pisonet sang ginpangtiro sang wala pa makilal-an nga persona gamit ang wala pa mahibaluan nga kalibre sang armas luthang.
Nakaangkon si Yasas sang tiro sa iya natuo nga paa, samtang si Araiz naman ang naigo sang bala sa iya natuo nga ilok.
Gindala sanday Yasas kag Araiz sa Corazon Locsin Montelibano Memorial Regional Hospital samtang naglagyo ang suspek.
Nagapadayon ang operation sa posible pag-identify kag pagkadakup sa suspek.*
