Nagapati ang pamilya sang ginpatay nga broadcaster nga si Percy Lapid, nga may kahilabtanan man sa kaso si Presidente Rodrigo Duterte.
Apang ginpalayag sang abogado sang pamilya nga si Danilo Pelagio, nga wala pa sang ebidensya, nga direkta nagatudlo sa anay pangulo, bilang imbolbado sa kremin.
Una diri, gintumod sang utod ni Percy Lapid nga si Roy Mabasa, nga dapat malakip man sa listahan sang mga persons on interest ang anay pangulo, bangud isa ini sa mga gina “criticized” sa mga komentaryo sang broadcaster nga si Percival Mabasa okon Percy Lapid sa programa nga Lapid Fire.
Suno kay Atty. Pelagio, may yara sang 160 ka mga persons of interest sa kaso, apang wala sang ebidensya batuk sa anay pangulo.
Nagapati naman ang abogado, nga posible may yara pa sang mastermind sa kaso, nga mas mataas pa sa posisyon ni Bureau of Corrections director general Gerald Bantag.
Ginpasakaan na sang kaso nga murder si Bantag kag ginhingyo na ini ni Department of Justice secretary Jesus Crispin Remulla nga mag surrender.
Antis ginpasaka ang kaso, ginpanginwala na ni Bantag ang akusasyon kag nanindugan nga mas pili-on niya ang mapatay sang sa magtiner sa prisohan.
