Mga residente sa pungsod Nepal, nagsinala-sala sang mabatyagan ang mabaskog nga linog

Nakibot kag nagsinala sala ang mga residente sa nakatundan nga bahin sang pungsod Nepal sang nagluntad ang mabaskog nga pagtay-og las 2:00 sang kaagahon, Miyerkules, Nobyembre 9.

Na record sang US Geological Survey (USGS) ang epicenter sang 5.6 magnitude nga linog malapit sa munisipalidad sang Dipayal, 340 kilometros sa nakatundan nga bahin sang Kathmandu.

May kadalumon ini nga 15 kilometros, base man sa record sang USGS.

Nabatyagan man sang mga residente sa New Delhi sa pungsod India ang nasambit nga pagtay-og kag nasaksihan ang pag habyog sang mga kagamitan bangud sang linog.

Ang pungsod Nepal makit-an sa kontinente sang Asya kag yara mismo sa tunga sang pungsod China kag India.