Ginmanduan ni Presidente Rodrigo Duterte ang mga alkalde kag mga barangay kapitan nga ma-identify ang mga constituents nga wala pa mabakunahan batok COVID-19.
“I urge LGUs to come up with a more systematic and efficient way of finding out who among your constituents have not yet vaccinated,” suno kay Duterte sa iya nga Talk to the People.
Dugang pa niya, kinahanglan ubrahon sang mga lokal nga opisyal ang tanan kag ipatuman ang ila puder sa pag-imbitar sang mga wala mabakunahan nga mga residente.
Nauna na nga ginpahayag ni Duterte nga kapin 25 ka million nga Pilipino ang nakabaton sang second dose sang COVID-19 vaccines, samtang 20 ka million ang nakakuha sang first dose.
Target naman sang gobyerno nga mabakunahan ang kapin 50 ka million nga mga indibidwal matapos ang sini nga tuig.
