DUTERTE WALA SANG NABATYAGAN NGA SIDE EFFECT SA SINOPHARM

Wala sang nabatyagan si Pangulong Rodrigo Duterte nga side effect sa bakuna batok sa COVID-19 matapos mabakunahan sang nakaligad nga gab-e.

Ginsiling ni Presidentel spokesperson Harry Roque nga wala naman sang nangin problema matapos mabakunahan sang Sinopharm vaccine nga halin sa China ang Pangulo.

Gindugang pa ni Roque nga pagtapos magpabakuna sang Pangulo, nanguna pa ini sa meeting sang Inter-Agency Task Force nga naglawig sang masobra duwa ka oras.

Ginpasiguro man ni Roque nga wala sang “adverse reaction” nga natabo sa Pangulo matapos mabakunahan.

Ang ika-duwa nga dose sang bakuna ang ihatag sa Pangulo matapos ang isa ka bulan.