Mas tuman ang pag-bilib sang mga netizens sa ginkilala nga “beatboxing twins” sang Cebu nga sanday Jake kag Joemar Canencia sa ila una nga nabaton nga sweldo halin sa ila YouTube channel nga “Agaw Jake&Joemar TV”.
Imbis nga gastuhon nila ang grasya para sa ila kaugalingon, ginpakamaayo sang kapid nga ipakigbahin ini sa ila nga himata.
Pila ka bulan na ang nakaligad sang ginpakigbahin nila ang vlog kung sa diin, ginsiling nila nga patindugan nila sang balay ang isa nil aka himata.
Sang nagligad lang, liwat nga nag-viral ang kapid bangod ginkabiliban sila mangin sang Hollywood Star nga si Will Smith.
Matapos sini, ginsurpresa man sila ni Raffy Tulfo kung sa diin, nangin guest sila sang programa nga Wanted sa Radyo.
Magluwas sa bulig pinansyal, ginhatagan man sila sang maayo nga klase nga laptop agud mas mapanami ang ila pag-edit kag pag-upload sang videos sa ila Youtube channel.
Mangin ang pakaisa nila nga amo ang editor ang nahatagan man ni Tulfo sang manami nga klase sang camera.
