Estudyante, pilason matapos mahulog sa ikaapat nga panalgan sang dormitoryo bangud sang linog

Bacolod City – Nahulog sa ikaapat nga panalgan sang dormitoryo ang 19-anyos nga estudyante nga si Kristina Cassandra Pascua bangud sa magnitude 7 nga linog sa Baguio City, Miyerkules, Hulyo 27.

Malabay kuntani si Pascua sa fire exit apang aksidente ini nga nahulog gikan sa nasambit nga panalgan.

Nagtupa ini sa taxi nga yara sa dalum kag naigo ang ulo sa windshield.

Sa karon, padayon ini nga nagapabulong sa Saint Louis University Hospital of the Sacred Heart.