Patay na sang nasapwan ang Barangay Tanod sang Brgy.Consing banwa sang EB Magalona nga ginkilala sa kay Elmer Ortencio, kag residente man sang amo nga lugar.
Sa inisyal nga pag pagpangusisa sang kapulisan, si Ortencio ang una na nga ginreport ni Brgy. Kapitan Rio Jemilla nga ginabduct las 3:00 sang hapon sang mga armado nga grupo apang pasado las 5:00 sang hapon, ini siya ang gin release man sang mga suspetsado.
Alas 11:00 kagab-i, Abril 13 nakabaton na lang sang tawag ang EB Magalona Municipal Police Station nga nasapwan na lang nga patay si Ortencia sa kawayanan sakop sang Hda. Margarita nga wala na sang kabuhi.
Gindala na sa punerarya amg bangkay sang biktima kay nagangkon ini sang patal nga igo sang bala sa iya nga ulo gikan sa wala pa mahibaloan nga kalobre sang armas lutang.
Padayon pa sa karon ang imbestigasyon sang kapulisan agud matumod ang responsable sa krimen.
