Matandaan nga ginkondenar sang National Task Force for the West Philippine Sea ang padayon nga pagtinir sang mga barko sang China sa teritoryo sang Pilipinas.
Sa pagpatrolya sadtong Abril 11, ginabulubanta 240 ka Chinese vessels ang yara giyapon sa exclusive economic zone sang Pilipinas.
Nagalapta ang mga ini sa Union Banks kag Pag-asa Islands lapit sa munisipalidad sang Kalayaan sa Palawan.
Magluwas sa Chinese Coast Guard, natukiban man ang pila ka barko sang Chinese Navy sa Panganiban Reef, Kagitingan Reef, Zamora Reef, kag Scarborough Shoal.
Nakit-an man sang Philippine Coast Guard ang Chinese poachers nga nagapanguha sang mga taklobo sa Pag-asa Islands apang napaslawan sila nga madakop ang mga ini.
Sa ulihi, panawagan sang NTF-WPS nga bayaan na sang mga dumuluong nga barko ang teritoryo sang Pilipinas.
