Gindakop ang duha ka Pinay matapos mahibalu-an sang Bureau of Immigration ang fake stamps nga yara sa mga passports nila.
Suno kay BI Commissioner Norman Tansingco, magapadulong kuntani ang duha sa Dubai apang wala sila nakatabok sa BI primary inspection.
Dugang pa ni Tansingco, nagpakuno-kuno ang duha bilang mga turista apang sa ulihi, gin-aku nila nga maga-ubra sila abroad.
Ang duha ka Pinay ang biktima lamang sang trafficking nga nakita nila sa social media.
Nagpaandam naman si Tansingco sa publiko nga maghalong sa mga scammers kag mangin vigilant sa online recruitment.
Yara karon ang duha sa Inter-Agency Against Trafficking para sa pagpasaka sang kaso sa recruiters.*