RBSFM NEWSCENTER – Natalana nga maga hampang sa Ultimate Fighting Championship ukon UFC sa umalabot nga Agosto 22 ang Filipino American fighter nga si MARK STRIEGL. Si Striegl ang 32 anyos pa lamang, 5 feet 8 inches ang kataason kag ini ang may MMA record nga 18 ka mga da-og, kag 2 ka peirdi.
Ang UFC debut fight ni Striegl ang batok sa kay Timur Valiev sang Russia kag ini ang paga hiwaton sa Las Vegas, Nevada bilang isa sa mga preliminaries sang undercard sa mega fight nanday Frankie Edgar kag Pedro Munhoz sa bantamweight division.
Bag-o pa man makuha sang UFC, si Striegl ang nag hampang sa URCC, PXC, kag sang ulihi, sa ONE Championship.
Pila sa mga achievements sang Filipino-American fighter amo ang pag daug sini sang gold medal sa 2019 Southeast Asian Games (SEA GAMES) bilang contender sang Pilipinas sa Sambo. Ini man ang URCC featherweight champion.
Madamo nga Pinoy ang excited nga mag lantaw sa performance ni Striegl sa UFC sa umalabot nga Agusto 22.
