Ginaplano karon sang ciudad sang Bacolod nga magpatukod sang 3 ka mga FM radio stations para sa ginaduso nga panibag-o nga mga pamaagi sa pagtudlo matapus nga ginabawal ang “face to face” classes.
Suno kay Atty. Renecito Nocero, konsehal sa ciudad kag chairman sa Committee on Education sa konseho sang ciudad nga ini mga low frequency radio stations ang ila ginaplano nga tukuron sa ciudad kag santo man sa luyag ni Mayor Evelio Leonardia nga mangin mahapus ang pagtunga sang mga programa sa nagkalainlain nga nga lebel sang basic education.
Gindugang pa ni Novero nga mahimu man ini nga magamit para sa Alternative Learning System ukon ALS.
Ginatan-aw pa sa karon sang chairman sang komitiba sa edukasyon kon bala may bastante nga savings nga yara sa Special Education Fund ukon SEF halin sa 2012
tubtob 2019 nga mahimu magamit sa amu nga katuyuan.
