Ginpanginwala sang mataas nga opisyal sang Philippine Army, Brigadier General Jesus Durante III, nga may kahilabtanan siya sa kamatayon sang modelo sa Davao City nga si Yvonne Chua Plaza.
Ginluthang kag nabawian sang kabuhi si Plaza sang tinalikdan nga Disyembre 30, sa atubang mismo sang iya puluy-an nga gina arkilahan sa Green Meadows subdivision sa Barangay Tugbok, Davao City.
Base sa mga alegasyon sa social media, naka eksperyensya sang pagpang abuso si Plaza sa opisyal.
Sa nasambit nga account, nakit-an ang itsura sang modelo kag negosyante nga si Plaza, nga may mga lagob kag pilas sa iya guya, apang “inactive” na ang nasambit nga account.
Suno sa opisyal, isa niya ka abyan ni Plaza.
Ginpalayag man sang mataas nga opisyal nga iya ginakasubo ang pagtaliwan sang modelo kag nagademanda siya sang hustisya.
Ginbulgar sang mga otoridad nga may yara sila sang duha ka mga ginakabig “persons of interest” sa kaso, apang indi pa mabulgar ang impormasyon bangud sa nagapadayon nga imbestigasyon.
Statement of Durante:
“Yvonne was a friend. My name is being dragged based on an FB post made last April 2022 wherein I allegedly hurt her. She later retracted the post and issued a statement that I did not in any way harmed her.”
