Ginbulgar sa senate consultation meeting, sini nga adlaw,huwebes, Enero 19, ang ngalan sang mga dalagku nga “oil smugglers” sa PIlipinas.
Kalakip sa mga ginhingadlan ni Senator Raffy Tulfo nga mga “bigtime smugglers” amo ang mga masunod:
Don Rabonza
Sonny Qiu
Jackie Chu
Aron Uy kag
Lyndon Tan
Alex Chua,
Bogs Violago,
Jong Mangundadatu
Dondon Alahas
Gintumod man ang mga lugar sang Navotas, Batangas kag Sariaya , Quezon subong man ang Mariveles, Bataan, bilang mga lugar sa diin naga operate ang mga smugglers.
Sa nasambit nga consultation, ginlaslasan ni Tulfo ang mga opisyal sang Bureau of Customs okon BOC nga wala nagtambong sa meeting.
Nagpadala lamang sang representative ang BOC agud nga magsabat sang mga pamangkot sa ginpatigayon nga konsultasyon.
Dismayado si Tulfo, bangud indi man masabat ni BOC Special agent II Anthony Escandor ang mga pamangkot.
Plano ni Tulfo nga hingyuon ang Senate Blue Ribbon Committee nga kalkalon ang dugang nga mga impormasyon angut sa nagaluntad nga oil smuggling sa Pilipinas kag ipa summon ang mga gina alegar “oil smugglers”.
Suno sa senador, ginadala ang gasolina kag diesel sa pungsod, pinaagi sa pagkarga sini sa barko antis ibalhin sa “barge”, sa kalayuon nga 15 miles gikan sa kadutaan sang Pilipinas.
Gikan sa barge, ginabalhin naman ang produkto sa mga barko nga nagahulat sa mga pier sa Subic, Batangas kag Navotas.
Gin akusahan ni Tulfo ang Bureau of Customs kag Philippine Coast Guard okon PCG, nga nagatunga sa income nga P2.70 kada litro gikan sa gasolina kag krudo,nga ginapasulod sang mga smugglers.
Statement of Senator Raffy Tulfo:
“Even though there is a marking scheme, there is still a lot of oil that gets through and is smuggled because there are times when these barges from big-time oil companies are not even identified as oil or they are not declared at all. For example, only one out of 100 drums will be declared and only one will be marked.”*