Natalana nga ipasara sang siudad ang mga commercial establishments nga naga-operate sang wala business permits sa Bacolod.
Ang mga wala sang business permits amo ang masobra 100 ka mga water stations kag 10 ka mga commercial establishment.
Nagligad nga tuig nagpagwa na sang notice of closure ang City Legal Office sang Bacolod angut sa mga water stations nga wala sang business permits para masiguro nga ang tubig nga ginabakal sang pumuluyo ang nakapasar sa quality control sang City Health Office.
Sa pahayag ni Atty. Romeo Carlos Ting, Jr. City Legal Officer nga paga-usisaon nila ang mga commercial establishments nga wala pa naka-proseso sang ila mga permits antes magpatuman sang closure.
Para makalagas ang tanan sa pagproseso sang permits, gin-extend sang siudad tubtob Pebrero 15 ang Business Online One-Stop Shop sa Ayala Malls Capitol Central agud maka renew ang tanan nga may mga negosyo sa Bacolod.
