(Warning: graphic content)
BINALBAGAN – Isa ka gina-alegar mataas nga opisyal sang National People’s Army (NPA) ang napatay sa nagluntad nga engkwentro sa Sitio Cabite, Brgy. Santol, banwa sang Binalbagan sang Huwebes, Abril 20.
Base sa report sang 3rd Infantry (Spearhead) Division sang Philippine Army, ginkilala ang napatay kay Rogelio Posadas, alyas Poten, ginatumod nga secretary sang Regional Committee sang NPA sa Central Visayas.
Nagluntad ang nasambit nga engkwentro sa tunga sang gina-alegar rebelde nga grupo kag mga soldado sang 94th Infantry Battalion (IB) takna las-3:22 sang kaagahon kag naglawig ini sang 10 ka minutos.
Narekober sa lugar sang engkwentro ang isa ka kalibre .45 nga pusil, mga dokumento nga nalakipan sang gina-alegar extortion letters, mga bag, kag iban pa nga kagamitan.
Nagapanawagan naman si MGen. Marion Sison, commander sang 3rd ID, sa mga nagapadayon sa hublag nga magsungka antes mangin ulihi ang tanan.
