Init posible maglab-ot sa 50°C sa Pilipinas sa Mayo

Nagapaandam ang PAGASA nga posible magdangat sa 50°C ang heat index sa Pilipinas sa masunod nga bulan sang Mayo.

Ginpaathag sang PAGASA nga bangud ini sa “easterlies” nga nagadala sang hangin halin sa Pacific Ocean kag “high pressure system” sa norte-nasidlangan nga bahin sang pungsod.

Ginapaandaman man sang PAGASA ang publiko bangud posible magdangat sa 49°C ang init sini nga long weekend.

Nagapahanumdom ang PAGASA nga pamatukan ang init kag mga balatian nga dala sini pinaagi sa pag-inom sang tubog, proteksyon batok sa init kaangay sang payong, paghugas sang mga kamot, kag pagpaligo.