Gin-release sang Federal Bureau of Investigation (FBI) ang litrato sang isa ka lalaki matapos gin-alegar gin-molestiyahan ang duha ka bata sa Manhattan Beach.
Ginkilala ini kay Edgardo Feralin Dormido Jr., 48-anyos, caregiver kag akusado sa gin-alegar “5 counts of child molestation” sa Los Angeles County Supreme Court sadtong Oktubre 2015.
Nagapangabay ang FBI nga makita gilayon ang suspek.
Nag-ubra si Dormido sadto bilang caregiver sa guwa pungsod para buligan ang iya pamilya.
Suno naman sa duha ka bata, ginhimas ni Dormido ang dughan kag ila kinatawo sa banyo sang balay kag sa treehouse.
“What ever you want to do to me…. I accept it… this is the biggest mistake I done to you, pls I beg you dont end my life or kill me. “If u want to send me in prison il accept it…. im sorry… i am a sinner to be punish.” suno sa text message ni Dormido sa iloy sang mga biktima sadtong Hulyo 11, 2015.
Matapos sang insidente, nagpadulong si Dormido sa Taiwan kag nagkadto sa Pilipinas, suno sa mga federal agents.
Matapos sang pito ka tuig, ginpasakaan kaso sang LA Superior Court si Dormido.
Dugang pa sang federal agents, naga-ubra ini bilang janitor sa siudad sang Bago, Negros Occidental.
Ginapatihan nga may kataason nga 5 foot 4, nagabug-at sang 130 ka libras, brown ang mata kag black ang buhok ang lalaki.
Nagapabulig naman ang FBI sa pagpangita kay Dormido.*
