Ginkomentaran kag ginpakamalaot ang pagpatuman sang DOTr sang ginpahalog nga physical distancing rules sa mga pampubliko nga salakyan nga suno sa mga eksperto, hilaw pa sa sitwasyon karon sang pandemya.
Halin sa isa ka metro, mangin 0.75 metres nalang ang physical distancing sa mga pampubliko nga salakyan santo sa gin-aprubahan sang Inter-Agency Task Force on Emerging Infectious Diseases (IATF).
Apang nagakahangawa ang grupo sang mga commuters sa panibag-o nga polisiya.
Suno naman kay Dr. Tony Leachon anay adviser sang national task force sa COVID-19 response, wala sang pagtuon nga nagasuporta sa nangin desisyon sang DOTr kag IATF.
Wala naman ginkontra sang Department of Health ang DOTr kundi ginpahanumduman lang ang mga commuters nga kun mahimo, igapabilin ang 1-meter physical distancing protocol pareho sang nagligad.
“Be extra vigilant in situations where distancing cannot be practiced, and if possible choose to participate in activities or use transport options that can afford at least 1 meter distancing,” suno sa pahayag sang DOH
Ginpakamalaot naman ini ni Leachon kag ginsiling nga “mahina” ang pahayag sang DOH kag ginsiling nga mahimo pa ini nga magdulot sang confusion.
Nagpanindugan naman ang DOTr nga ginhimuan nila sang pagtuon ang polisiya antes nga ginrekomendar sa IATF.
Ginsiling naman ni DOTr Undersecretary Artemio Tuazon Jr., naggikan mismo sa publiko ang hingyo nga padamuon ang mga pasahero nga mahimo makasakay sa public transportation.
“Nagmula po yang request na yan sa ating mga mamamayan dahil nga po nagbubukas na po yung ating ekonomiya, kailangan din po makapasok sa trabaho yung mga tao natin, ang mga mamamayan natin… Hindi lang natin basta nire-reduce ‘yung ating physical distancing. Marami po tayong in-implement na protocol diyan, andiyan na po yung mandatory use of face mask, face shield,” saad ni Tuazon.
