GOLD! EJ Obiena nalapawan ang kaugalingon nga Asian record

Ginakilala bilang back-to-back Asian champion ang pole vault star nga si EJ Obiena matapos ma-clear ang 5.91-meter jump sa 2023 Asian Athletics Championships sa Bangkok, Thailand sang Domingo, Hulyo 16, 2023.

Luwas sa nadaug nga gold medal, nalapawan pa ni Obiena ang iya una nga record nga 5.71 meters sa 2019 Asian Games sa Doha, Qatar.

Samtang naangkon man ni Robyn Lauren Brown ang gold sa women’s 400m hurdles.

Ini ang ikaduha nga golden double sang Team Philippines humalin sang 1987 Asian Championships sa Singapore.

Ang Asia’s sprint queen nga si Lydia De Vega ang una nga nakakuha sang golden double sa women’s 100m kag 200m.