Gindakop ang isa ka lola nga ginakabig nga “high-value drug suspect” sa ginpatigayon nga buy-bust operation sini nga Domingo, Hulyo 16, 2023.
Nakumpiskar sa suspetsado nga ginkilala kay Julieta Maruhom, 63-anyos, ang ginasuspetsuhan shabu nga ginabulubanta nagabug-at sang 139 ka gramos kag nagabalor sang P2,800,000 sa Barangay Ibabang Dupay, siudad sang Lucena, probinsya sang Quezon takna la-1:58 sang kaagahon.
Nakumpiskar man sa tigulang ang isa ka mobile phone nga igapaidalum sa digital forensic examinations agud mahibaluan ang mga transaksyon sang suspek.
Nagapadayon ang imbestigasyon sang kapulisan agud matumod ang ginhalinan sang iligal nga droga.
Nagapang-atubang ang 63-anyos sang mga kaso sa paglapas sa Republic Act 9165 ukon ang “Comprehensive Dangerous Drugs Act.”
“Her arrest is expected to drop the supply of shabu to users in this city and other parts of the province,” pahayag ni Quezon Police chief Colonel Ledon Monte.
