(Paandam: sensitive content, sexual abuse)
BACOLOD CITY – Gindakop ang mag live-in partner sa ila puluy-an sa Barangay Taculing sa siudad sang Bacolod matapos mahibaluan nga ginabugaw nila ang ila mga menor-de-edad nga kabataan online.
Ang mga biktima ang naga-edad pa lamang sang 9-anyos, 6-anyos, kag duha ka 2-anyos nga kapid.
Nahibaluan nga ginabugaw ang kabataan sang mag live-in partner kag ginapakita ang ila hubin kag hublas nga lawas sa mga foreigner nga mga kustomer sa atubang sang cellphone kag laptop.
Nakuha gikan sa paghinakop sang mag live-in partner ang apat ka cellphones kag mga charger, isa ka laptop, passport nga nakapangalan sa babayi, kag apat pa ka mga identification (ID) cards.
Yara na ang mga akusado sa custodial facility sang Bacolod City Police Station 6 samtang ang mga biktima ang yara subong sa paghinakop sang Balay Pasilungan sa sulod sang Bacolod City Police Office (BCPO) sa idalum sa monitoring sang Department of Social Welfare and Development (DSWD).
Gindakop ang mga akusado sa ginpatigayon nga Entrapment and Rescue Operation kag Implementation of Search Warrant, Seize and Examine Computer Data sa pagpanguna sang Women and Children Protection Center (WCPC) – Visayas Field Unit, Women and Children Protection Desk (WCPD) sang BCPO, Police Station 6, kag DSWD-6, takna las-6:20 sang gab-i sang Biyernes, Hulyo 14, 2023.
(NOTE: hungod nga wala ginhingadlan ang partikular nga lugar kag ang mga imbolbado agud maproteksyonan ang menor-de-edad nga kabataan)
