Magasugod na ang pagbaton sang ciudad kag sang health officials sang mga swab-test sa ciudad sang Bacolod kag probinsya sang Negros Occidental matapos nga mangin madinalag-on ang pagpatukod sang labing una nga Level 3 Biolab sa Western Visayas kon sa diin nahamtang sa Corazon Locsin Montelibano Memorial Regional Hospital (CLMMRH).
![City and health officials said the fight against COVID-19 has become stronger, with the opening of the Corazon Locsin Montelibano Memorial Regional Hospital (CLMMRH)- Bacolod City BSL3 (Bio-safety Level 3) Molecular Laboratory Saturday [July 11]. Bacolod City PIO](https://i0.wp.com/radyobandera.com/wp-content/uploads/2020/07/b-1.jpg?resize=696%2C528&ssl=1)
Daku nga bulig sun okay Mayor Bing Leonardia ang pagbukas sang Biolab ini agud mas mapadasig pagid ang pagpatigayon sang test sa tagsa ka mga pasiente nga posible infected sang nasambitan nga virus.
Nagakahulugan nga indi na mahimo nga ipadala pa sa ciudad sang Iloilo ang test para sa COVID19, pamaagi sini mas mabatuan sang ciudad ang away sa makahalalit nga balatian.
“Let us look forward to a stronger fight against COVID,” hambal ni Leonardia.
Nahibaloan nga kapin 30-milyones ang balor sang pagpatukod sang Biolab sa ciudad, kag ini ang ikaapat nga biolab sa Rehiyon kag ika-duha sa probinsya.
Mahimo makapatigayon sang 100-test ang nasambitan nga Biolab kag mahimo makuha ang result sa sulod sang tatlo kaadlaw.
Ginkalipay naman ini sang iban pagid nga mga opisyales sang ciudad bangod sa madugay nga paghulat magamit nagid man ang laboratory nga amo ang isa sa pinaka-importante nga bagay sa pagsolbar sang COVID19 nga kaso.
