Nagapabilin nga wala sang kaso sang African Swine Fever ukon ASF ang probinsya sang Negros Occidental.
Base sa report sang Provincial Veterinary Office (PVO) nga umpisa ma balhag ang kaso sang ASF sa pungsod ginpabaskog ang ASF-Task Force sang probinsya nga amo ang nagapanguna sa pagbantay sang mga nagaguwa-sulod nga karne sang baboy sa probinsya.
Sa pinakaulihi nga datos sang ASF task force sang probinsya may kapin 3.3 tons ka mga karne sang baboy ang ila sini nga na intercept kon sa diin naglab-ot ini sa kapin P4.67-milyon ang iya sini nga market value.
Matandaan nga sang Pebrero subong nga tuig nag-umpisa ang pag ban sang probinsya sang mga karne kag frozen nga mga produkto nga halin sa Mindanao.
Sa karon padayon ang monitoring kag inspeksyon sang ASF-Task Force sa mga establishamento kag pagbantay sa pila ka mga check-up points partikular sa Barangay Hilamonan, Kabankalan City.
