Ginbakunahan na si Negros Occidental Governor Eugenio Jose Lacson upod sa pila pa ka mga local kag provincial officials nga katapo sang senior citizens sa Teresita L. Jalandoni Memorial Provincial Hospital sa siudad sang Silay, Biyernes sang aga.
Upod sang gobernador nga nakapabakuna sang first dose sang Sinovac sanday Kabankalan City Mayor Pedro Zayco, Manapla Mayor Manuel Escalante, Bago City Mayor Nicholas Yulo kag Cauayan Mayor John Rey Tabujara.
Ginpaiway anay ang pagbakuna kay Hinobaan Mayor Ernesto Estrao sang magsaka ang iya blood pressure.
Nagpabakuna man sanday Board Member Victor Javellana, Araceli Somosa, Samson Mirhan, Pal Guanzon kag Manuel Frederick Ko.
May pila man ka mga senior citizen nga department heads ang nagpabakuna.
with reports from Nico Delfin
