Nagbatyag sang normal nga pagpanghalay sang abaga si Negros Occidental Governor Eugenio Jose Lacson makaligad nga magpabakuna sang first dose sang Sinovac COVID-19 vaccine sang nagligad nga Biyernes, Abril 30.
Suno kay Lacson, kasubong man nga nag-ngongot ang abaga sang pila pa ka mga kaupdanan niya nga mga opisyales, nga nagpabakuna pero lunsay nga yara sila sa maayo nga kondisyon.
Bisan nakapabakuna, nagsiling ang gobernador nga nagapadayon ang ila pagsunod sa minimum health standard protocol kasubong sang pagsuksok sang facemask kag physical distancing.
Nagalaum ang gobernador nga mapadasig pa ang pag-roll out sang vaccines.
Samtang, padayon ang registration para sa luyag magpabakuna sang tagsa ka mga local government unit.
Nagligad lang nga Biyernes sang nag-abot ang 16,000 ka doses sang Sinovac vaccines nga natalana ipabakuna sa pila pa ka mga frontliners kag senior citizens sa Negros Occidental.*
Photos courtesy of Negros Occidental PIO
