Tuesday, October 4, 2022

Governor Lacson may Reaksyon Angut sa Pagpalusot sang Iligal nga Druga Gamit ang mga Puerto sa Probinsya

- Advertisement -

“That is not new, the problem of illegal drugs coming to San Carlos has always been there for so many years” ini ang sabat ni Governor Eugenio Jose Lacson sa interview sang Radyo Bandera angut sa paggamit sang mga sindikato sang mga puerto sa probinsya agud magpalusot sang iligal nga druga.

Photos from google

Suno kay Gov. Lacson, indi ini katingalahan bangud nga may puerto ang probinsya kun sa diin mahimo nga makaagi ang mga drug dealer halin sa iban nga probinsya kasubong sang Cebu.

Apang, gin-klaro ni Lacson nga apisar nga madamo ang nagapalusot sang iligal nga druga gamit ang puerto sa probinsya, madamo man nga tinion nga nagkaladakpan ang mga ini

- Advertisement -

Dugang pa sang Gobernador nga madamo ang nagaganar sang “illegal drug trade” rason nga madamo ang mga persona nga handa nga mag risgo nga sudlon ang nasambit nga iligal nga aktibidad.

Nagpasalamat si Lacson sa pagbinuligay sang mga uniformed personnels kasubong Philippine National, Phil.

Coast Guard nga nangin mabinantayon agud ma intercept ang mga kontrabando nga gina-paagi sa mga puerto.

Importante man suno kay Lacson ang “Sharing of Information” halin sa ginahalinan nga puerto pakadto sa distinasyon agud madakop ang mga ini.

Ginapasalamatan man ni Lacson ang mga kapulisan sang San Carlos sa damlag lang nga isa ka madinalag-on nga drug operation kun sa diin nakarekober ang mga kapulisan sang masobra 13 milyones ka pesos nga balor sang iligal nga druga.

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

- Advertisement -

Latest Articles