BACOLOD CITY– Apisar sang hugot nga panindugan ni Negros Oriental Governor Roel Ragay Degamo sa indi pag-pabor sa pagtukod sang Negros Island Region (NIR), nagalaum gihapon si Negros Occidental Governor Eugenio Jose Lacson nga magab-o ang desisyon ni Degamo.
Suno kay Lacson, ginatinguhaan niya nga ma-istorya si Degamo apang indi ini niya ma-contact.
Dugang pa ni Lacson, mas importante sa subong nga naga-giho na ang NIR sa House Committee on Local Government pina-agi sa pag-aprubar sang komitiba sang Subtitute Bill.
Suno naman kay 6th district Representative Mercedez Alvarez, wala pa sila makabaton sang position paper nagikan kay Degamo may angut sang iya desisyon sa NIR.*