Epekto sang Bird Flu, isa sa mga rason kun ngaa nagsaka ang presyo sang itlog

Ginkumpirmar ni Department of Agriculture (DA) Deputy Spokesperson Rex Estoperez nga naka-apekto ang avian influenza ukon bird flu sa egg producing areas rason nga nagsaka ang presyo sang itlog.

Sandig sa pinakaulihi nga price monitoring sang DA, ang average cost sang medium size nga itlog sa mga merkado sa Metro Manila ang nagabalor sang P6.90 tubtob P8.70, samtang P10 naman ang regular size nga itlog sa iban nga merkado.

Apisar nga nagsaka ang presyo sang itlog, ginsiguro ni Estoperez nga indi na magataas pa ang presyo sini.*