Nagsaka na sa 438,622 ang kadamuon sang mga indibidwal nga naapektuhan sang baha sa bilog nga Pilpinas.
Nagsugod ang pagbubu sang ulan bangud sang LPA kag shearline sa Luzon, Visayas kag Mindanao sang Enero 2.
Base sa record sang Office of the Civil Defense, may napulo man ka mga persona nga nabawian sang kabuhi, bangud sang wala untat nga pagbubu sang ulan, nga nagresulta sa mga pagbaha kag landslides.
Magluwas sa mga nagkalamatay, apat pa ka mga persona ang nasamaran bangud sang kalamidad samtang duha pa ang padayon nga ginapangita, matapos nga gindeklarar “missing”.
Kalakip sa mga naapektuhan sa kalamidad amo ang mga residente sa mga masunod nga mga lugar:
• Cagayan Valley
• Central Luzon
• CALABARZON
• MIMAROPA
• Bicol Region
• Western Visayas
• Eastern Visayas
• Zamboanga Peninsula
• Davao Region
• Soccsksargen
• Bangsamoro Autonomous Region in Muslim Mindanao
