BACOLOD CITY– Wala sang plano si Governor Eugenio Lacson nga magpa-imbestigar kun sin-o ang persona nga yara sa likod sang pag-usar sang iya pangalan.
Suno kay Governor Lacson, magahalong na lamang ang publiko kag indi gilayon magapati sa mga nagatawag ilabi na kun naga-usar sang iya pangalan.
Dugang pa ni Lacson, nga magtawag gilayon sa iya opisina kag i-kumpirmar kun siya gid man ang nagahimo sang transaksyon.
Kahapon, Martes, Disyembre 13, ginkuhaan sang reaksyon sang Radyo Bandera Bacolod si Atty. Renoir Baldovino, head sang National Bureau of Investigation (NBI) – Bacolod kag ginpabutyag sini nga nakahanda ang iya talatapan nga mag-imbestiga angut sa nasambit nga insidente.
Madumduman nga tatlo ka resort sa probinsya ang gintawgan sang isa ka persona nga nagapakilala nga si Governor Lacson agud magpareserve sang accomodation sang tinalikdan nga Disyembre 1.*
