Gina-alegar ginhimuslan ang 17-anyos nga Grade 11 student sang duha ka lalaki nga iya upod sa inom sa syudad sang Quezon.
Gindakup ang tatlo ka mga suspetsado nga isa ka 18-anyos nga babayi, 18-anyos kag 16-anyos nga lalaki.
Nahibaluan nga malapit nga abyan kag classmate sang babayi nga suspek ang biktima.
Suno sa kapulisan, naghagaday sang inom ang duha sa Barangay Commonwealth.
Sang yara na sa impluwensya sang makahulubog nga ilimnon ang biktima, naglisensya ini nga matulog.
Ginsaysay sang babayi nga bikitma, nabugtaw ini sang kaagahon bangud gin-uyatan ang iya nga kamot sang duha ka lalaki kag tigayon na ini ginhimuslan.
Sandig sa kapulisan, wala may ginhimo ang babayi nga suspek bisan ginahimuslan na ang biktima.
Ginsugid sang biktima sa iya nga tiyo ang natabo nga pagpanghimulos.
Yara sa kustodiya sang Department of Social Welfare and Development (DWSD) ang menor de edad nga suspek.
Gin-ako sang duha ka lalaki nga suspetsado nga ginhimo nila ang pagpanghimulos bangud sa impluwensya sang makahulubog nga ilimnon.
Ginpasakaan naman sang reklamo nga rape ang mga suspetsado.
via GMA
