Tuman nga kahadlok ang nabatyagan sang isa ka babayi nga Grade 12 student sang gintayaan ini sang patalom sang isa ka holdaper sa Barangay Masagana, sa syudad sang Quezon sang Miyerkules, Setyembre 14.
Makita sa video nga nagapauli ang 17-anyos nga dalagita sang nagpundo ini sa magamay nga eskinita agud lantawon ang mensahe sa iya nga cellphone. Halin sa likod sang dalagita, hinali na lamang nagpalapit ang suspek kag gintayaan sini sang patalom sa liog kag nagdeklarar holdap.
Nakuha sang suspek ang cellphone sang biktima nga nagabalor sa P17,000, nga regalo sang iya nga ginikanan sa adlaw mismo sang iya kaadlawan.
Ginreport naman sang ginikanan sang biktima ang nagluntad nga insidente sa kapulisan kag ginapangita na sang mga otoridad ang suspek.
“Inakbayan niya po ako nang mahigpit no’n sobra. Tapos po pagka-akbay niya po sa akin nang mahigpit no’n, tinutukan niya po ako dito ng matalim po. After po no’n, hawak na niya yung phone ko po. Sobra po yung pagkahigpit niya po sa leeg ko po talaga no’n so tinatry ko po talaga na umalis sa kaniya na kasi po natakot po talaga ako,” pabutyag sang biktima.
via GMA
