RBSFM NEWSCENTER – Wasak ang tiyan, dunot ang mga tiil kag nag linapta ang kasudlan sang tricycle driver nga si ANDRESITO PIERNAS, 50 anyos ang edad, residente sang Villarante Village, Barangay 1, San Carlos City, Negros Occidental matapos ini ang matumbahan sang isa ka tanker truck pasado las 8:00 ang takna sni nga aga sa C.L. Ledesma Avenue, Barangay 1, ciudad sang San Carlos.
Suno sa police investigator, ang biktima ang naga maniho sang iya tricycle nga may sakay pa nga pasahero nga si RODLOFO GATUNGAY Jr. sang hinali lang, ang Fuso tanker nga may karga nga liquid fertilizer nga gina maniho ni RENANTE TANJAY, 31, anyos, residente sang Calatrava, Negros Oriental, ang nag dalasa sa mga biktima.
Dead on the spot si Piernas, samtang gin hingagaw naman dala sa hospital ang pasahero nga si Gatungay Jr. nga yara sa seryoso nga kahimtangan.
Padayon pa sa karon ang imbestigasyon sang San Carlos CPS angot sa natabo nga insidente, samtang naga pabilin sa kustodiya sang pulis ang driver sang tanker.
